അയല്‍വാസിയോടുള്ള കടമകള്‍

സ്രഷ്ടാവിനോടുള്ള കടമകള്‍ നിറവ്വേറ്റുന്നതോടൊപ്പം മറ്റുള്ളവരോടുള്ള കടമകളും മനുഷ്യന്‍ നിറവേറ്റേണ്ടതുണ്ട്. സത്യ വിശ്വാസിയെ പരിപൂര്‍ണ്ണനാക്കുന്നതിന്ന് അത് അത്യാവശ്യമാണ് . അള്ളാഹു സൂറതുന്നിസാ‍ഇല്‍ പറയുന്നു. -നിങ്ങള്‍ അള്ളാഹിവിനെ ആരാധിക്കുക,അവനോട് ഒന്നിനെയും പങ്ക്ചേര്‍ക്കരുത്,മാതാ പിതാക്കള്‍, കുടുംബക്കാര്‍,അനാഥകള്‍,അഗതികള്‍,കുടുംബ ബന്ധമുള്ള അയല്‍ വാസികള്‍,അന്യരായ അയല്‍ വാസികള്‍,കൂട്ടുകാര്‍,യാത്രക്കാര്‍,ദാസന്മാര്‍,എന്നിവര്‍ക്ക് നന്മ ചെയ്ത് നല്ലനിലയില്‍ അവരോട് വര്‍ത്തിക്കുക.പൊങ്ങച്ചക്കാരനും ദുരഭിമാനിയുമായ ഒരാളെയും അള്ളാഹു ഇഷ്ടപ്പെടുകയില്ല.,.
വാക്കുകള്‍ കൊണ്ടോ പ്രവര്‍ത്തികള്‍ കൊണ്ടോ ചിന്തകള്‍ കൊണ്ട് പോലും തന്റെ അയല്‍ വാസിയെ ബുദ്ദിമുട്ടിച്ചാല്‍ അവര്‍ക്ക് സ്വര്‍ഗ്ഗം അന്യമായിരിക്കുമെന്ന് നബി(സ) പറഞ്ഞിരിക്കുന്നു. ബുഖാരിയും,മുസ്ലിമും ഉദ്ദരിച്ച ഒരു ഹദീസില്‍ നബി(സ) ഇപ്രകാരം പറയുന്നു ജിബ്രീല്‍(അ)വന്ന് അയല്‍ വാസിയുടെ കടമകള്‍ എന്നോട് പറഞ്ഞപ്പോള്‍ അനന്തരാവകാശം പോലും അവര്‍ക്ക് കൊടുക്കേണ്ടി വരുമോ എന്ന് ഞാന്‍ ധരിച്ചു പോയി.‍‍

അയല്‍ബന്ധം നഷ്ടപ്പെട്ടു കൊണ്ടിരിക്കുന്ന ഈ കാലത്ത് നബി(സ്) യുടെ ഈവാക്കുകള്‍ നമ്മെ ചിന്തിപ്പിക്കേണ്ടതാണ്. അയല്‍ വാസി പട്ടിണികിടക്കുമ്പോള്‍ വയറ് നിറക്കുന്നവന്‍ നമ്മില്‍ പെട്ടവനല്ലെന്നും പ്രവാചകന്‍ അരുളിയിരിക്കുന്നു. അയല്‍ വാസിയുടെ സുഖ ദു:ഖങ്ങളില്‍ നാം പങ്കാളികളാകുക.അപ്പോള്‍ മാത്രമെ നാം ശരിയായ മുസ്ലിം ആകുകയുള്ളൂ..
************************************